S’Unione de sos Comunes de su Barigadu ocannu puru at investidu in cultura e, pro dare sa possibilidade a sos pitzinnos de imparare su sardu, at publicadu duos libreddos de dare in iscola. Sas iscolas maternas e elementares ant retzidu su libreddu “Connoschimus su mundu in sardu”, formadu dae 56 ischedas didàticas aprontadas dae sas operadoras Marinella Marras, Gianfranca Piras e Maria Giovanna Serchisu. Si bi podent imparare sos nùmenes de sas partes de su carenadu e de sa famìllia, imparare comente saludare e nàrrere paràulas gentiles, giogare cun sas istajones colorende, iscriende e retalliende sas pàginas.
Sas iscolas mèdias ant retzidu s’adatamentu teatrale de “Su Printzipeddu” de Antoine de Saint- Exupéry fatu dae Maria Giovanna Serchisu e Gianfranca Piras, chi sos pitzinnos ant a pòdere drammatizare paris cun sos mastros. Sos libros sunt publicados cun su cuntributu de sa lege regionale 6/2012 (art. 2, comma 13, annualidade 2013), sunt curados dae sa sotziedade cooperativa L’Altra Cultura de Aristanis e sa gràfica est de Badabò de Enrica Fara. Pro bìdere sos libros in versione “sfogliabile” bos podides collegare a sos link chi sighint:
Connoschimus su mundu in sardu:
https://issuu.com/badabo/docs/connoschimus_su_mundu_in_sardu
Su Printzipeddu: https://issuu.com/badabo/docs/su_prinzipeddu_16x23_barigadu_pagin
Sa versione in Pdf de “Connoschimus su mundu in sardu” si podet iscarrigare dae:
https://www.comune.scanodimontiferro.or.it/sc/files/download/3b2583355c344d0780d41aa1fbbddf
8e5c1de6f8