Sas Fainas Nostras
Collaboramus cun entes pùblicos (Comunes, Uniones de Comunes, Provìntzias, Regione), cun istitutos iscolàsticos, cun emitentes radiofònicas e televisivas, cun privados.
Dae su 2006 gestimus sos isportellos linguìsticos in paritzas amministratziones pùblicas.
Organizamus cursos de formatzione in/de limba sarda indiritzados a su personale dipendente de sa P.A., a sos insegnantes, a sos operadores de isportellu, a sa gente interessada a aprofundare sa connoschèntzia de sa grammàtica e de s’ortografia de su sardu e sa cumpetèntzia linguìstica e comunicativa. Contivigiamus letziones e cursos in limba sarda, finas in oràriu curriculare, pro sos alunnos de sas iscolas de ogni òrdine e gradu. Aprontamus materiale didàticu in sardu pro sos pitzinnos de iscola de s’infàntzia, iscola primària e iscola segundària de primu gradu.
Publicatziones
Inoghe agatades su materiale didàticu publicadu dae L’ALTRA CULTURA in custos annos. Pro l’iscarrigare tocat a si registrare ponende su nùmene e sambenadu, un’indiritzu de posta eletrònica e su nùmeru de telèfono.
Cunferèntzias, Cunvegnos e Àteros Addòbios
Partetzipamus comente reladores a cunferèntzias, cunvegnos e àteros addòbios chi tratant de limba sarda, ponende a disponimentu de totus s’esperièntzia chi amus fatu in custos 25 annos de traballu.
Cursos e Laboratòrios
Faghimus cursos de formatzione pro chie totu est interessadu a connòschere mègius sa limba sarda (grammàtica, ortografia, interlinguìstica etc.). Traballamus finas cun sas iscolas, faghende laboratòrios de limba sarda in oràriu curriculare o extra-curriculare.
Ràdiu, Televisione, Giornales, Rivistas
Sa collaboratzione nostra cun sos mèdios massivos la podides visionare in custa setzione.